Ука нэрээр нь бидний мэдэх, Монголын рок попын нэгэн тод өнгө болсон, дуучин Д.Уламбаярыг танихгүй хүн ховор.
Урлагийн салбарт оруулсан хувь нэмрийг нь төрөөс үнэлэн түүнийг “Алтангадас” одонгоор шагнасан юм. Өдгөө 40 нас гарч яваа тэрээр бизнесийн түүхээ нэгэн хэвлэлд хуучилжээ.
Тэрээр “V анги төгссөн зун эмээгийн үнээ тугаллаад. Жигтэйхэн сүүтэй үнээ байсан юм. Тэгээд дүү бид хоёрыг зараад ир гэв ээ. Дүүтэйгээ автобусны буудал дээр сүү зарах болсон. Тэгж байтал сааль татраад, хөөрхөн мөнгө олоод байсан болохоор цаашаа ч тэгж ажилламаар байна гэж аавдаа хэлтэл энэ троллейбусанд сууж очоод өглөө вокзал дээрээс сүү авчраад эндээ зараад үз гээд мөнгө өгсөн. Эхний удаад 10 литр сүү юухан байх вэ, гялс зарагдчихсан. Тэгж явсаар аавдаа мөнгийг нь буцааж төлөөд, ашгаараа сүү дахиж авч зарах болсон.
Дараа жил нь аавынхаа талхны цехээс талх авч зарж бас үзсэн. Тэр үед хүмүүс “Атар” талх л иддэг байсан шүү дээ. Манай цехээс дөрвөлжин талх гардаг болохоор хүмүүс сайн авна. Талх бүрээс 10 төгрөг гэдэг чинь нэлээн сайн шүү” гэжээ.
