Жүжигчин, найруулагч, Монгол Улсын соёлын тэргүүний ажилтан Дашхүүгийн Галбаяр гэр бүлийнхээ гэрэл зургийг дэлгэжээ.
13 настайдаа “Цахилж яваа гөрөөс” кинонд тоглосон тэрбээр “Намрын синдром”, “ТҮЦ-ийн охид”, “Тусгай ажиллагаа”, “Шуугиан таригч”, “Миний нууц”, “Хайрын рекорд” зэрэг 10 уран бүтээлийн найруулагчаар ажилласан эрхэм. Түүний аав нь нэрт жүжигчин Г.Дашхүү агсан, хань нь СТА Т.Хулан гэдгийг хүмүүс сайн мэднэ. Тэд дундаасаа хоёр хүүтэй.
Д.Галхүү, Т.Хулан нар СУИС-д нэг нэгнээ зүс мэддэг байсан ч хожим нь уулзаж, албан ёсоор танилцаж гэр бүл болсон гэнэ. Тухайн үед найруулагч Д.Галбаяр бяцхан охинтойгоо хоёулаа амьдардаг, ганц бие аавын амьдралаар амьдарч байжээ. Тэдний анхны учрал нэгэн улс төрийн ээлжит сонгуулийн шоуны үеэр байсан гэнэ. Найруулагч Д.Галбаяр дурсахдаа “Эхнэрээ хараад “Өө, манай сургуульд байсан хөөрхөн охин явж байна” гэж бодоод “Сайн уу” гээд инээд алдаад очсон чинь, урдаас нь Т.Хулан үл таниж дээрээс доош нь гайхаж харснаа юу ч дуугарахгүй зөрөөд алхжээ. Тэр цагаас хойш Д.Галбаяр УЭДТ-ын урдаа барьдаг “хөөрхөн” Т.Хулан бүсгүйн араас нэлээгүй гүйсэн гэдэг.
Эцэст нь тэд гэр бүл зохиож, таван гишүүнтэй халуун ам бүлийг бий болгожээ.
