“Фантастик” продакшны жүжигчин Э.Алдар “Boomtown” хамтлагт байхаасаа л охидын анхаарлыг татсаар ирсэн нэгэн. Гэвч 30 насны босго давсан хойноо буюу хоёр жилийн тэртээ Хулан хэмээх хөөрхөн бүсгүйг эхнэрээрээ сонгож, тэд өнгөрсөн жил бяцхан үрээ өлгийдсөн.
Тэгвэл жүжигчин залуугийн гэргий Хулан өчигдөр ихээхэн бухимдалтай байгаагаа илэрхийлж, “Хувийн хауст амьдарч чадахгүй байгаад уучлаарай. Хүн амьдарч буй орчиндоо уусч, боловсон амьдрах хэрэгтэй” хэмээн хэлэв.
Учир юу гэвээс, Хулан бүсгүйг сүү авах гээд гартал автомашиных нь дээрээс нэлийтэл цайны дээж, сүү цацсан байсан гэнэ. Энэ явдал нэг бус удаа болсон учраас бүсгүй “ Одоо болтол цонхоороо сүү мүүгээ өргөдөг балай хүмүүс байдаг юм уу” хэмээжээ.
