Намын цүнх баригчид амрагаараа олны танил, урлагийн хүүхнүүдийг сонгох жишиг тогтоод эхэлсэн гэхэд хилсдэхгүй. Аль сэргэлэн, зүс царай сайтай хүүхнүүдийг дагуулж явахад чимэгтэй бас хэн хэнийг нь амбицад нөлөөтэй.
Үүний нэг жишээ бол НИТХ-ын төлөөлөгч Д.Ихбаяр “үүлэн үст” Б.Мишээл нарын хайрын романс.
Тэд жил гаруй үерхэсний эцэст өнгөрсөн жил албан ёсоор бэр гуйн сүй тавьж нэг гэртээ орсон.
Тэгвэл өнөөдөр Д.Ихбаярын төрсөн өдөр тохиож байна. Энэ өдрийг тохиолдуулан Б.Мишээл “Амьдралд минь гэрэл гэгээ, түшиг тулгуур минь болж ирсэн халамжит хайрт ханьдаа төрсөн өдрийн мэнд хүргэе. Чинийхээ дэргэд би хамгийн аз жаргалтай эмэгтэй гэдгээ мэдэрдэг шүү. Бас ээждээ ийм сайхан хүү өгсөнд талархая” гэжээ.
Харин Д.Ихбаяр үргэлж гэнэтийн бэлгээр дүүрэн амьдруулдагт талархаснаа илэрхийлээд “Унтах гэж байтал бөөн бөөн гэнэтийн бэлэг. Нас нэмэх ч бас сайхан юм аа. Чамдаа маш их баярлалаа, хайртай шүү хань минь. Үргэлж л гэнэтийн бэлэг, гэнэтийн бүхнээр дүүрэн амьдруулдагт баярлалаа. Бэлэг маш их таалагдлаа, дэндүү гоё байлаа” гэжээ.
