Нэгэн цагт эх орныхоо өмнө үүрэг хүлээж, цэргийн алба хаана гэдэг эрчүүдийн хувьд бахархал байлаа.
Цэрэгт татагдахаас айж, ар өврийн хаалгаар сугарч үлддэг байсан нэг үеийг бодвол бас ч гэж одоогийн залуус эр хүний эрхэм үүргийг ухамсартайгаар хүлээж авдаг болсон. Тэдний нэг Монголын томоохон бизнесмэний нэг, спортын зүтгэлтэн, тод манлай уяач гэгдэх Дамбын Хишигжаргалын бага хүү Х.Мөнхжин үе тэнгийнхээ залууст үлгэр жишиг болохоор цэрэгт мордоод ирсэн.
Тэрээр Дорнодын хязгаарт орших хилийн цэргийн алба хаасан юм. Энэ жил цэргийн алба татахгүй ч мань эр цэргийн амьдралаа дурсан санажээ. Тэрээр малын хашааг чулуу шавар ашиглан барьсан зургаа нийтлээд “Шавраар малын хашаа барьж дуусгасан хүн шүү бас. Орон нутаг нээгдсэн тул хоёрдахь нутаг Дорнод руугаа явъя даа” хэмээн бичжээ.
Түүний хувьд өдгөө 26 настай. Цэргийн албанд байхдаа “Морьтон цэргийн зөвлөл”-ийг байгуулж, үе тэнгийн найз нөхдөө зөв зүйлд уриалах болсон гэдэг.
