Баянхонгор аймгийн Заг сумын харьяат, “Хонгор нутаг” дэвжээний бөх, улсын начин Дашдоржийн Цэрэнтогтох өнгөрсөн гуравдугаар сард нэгэн хэвлэлд өгсөн ярилцлагынхаа үеэр эхнэр дуучин Э.Чулуунчимэгийнхээ талаар ярьжээ.
Тэрээр “Эхнэр бид хоёр бие биедээ хайртай, нэг гэртээ орчихсон. Чулуунчимэг бид хоёр руу маш их тийм дайралт, атаа чөтөө ирдэг. Бид хоёр бусдын адил зүгээр амьдарч болохгүй хүмүүс юм уу. Бусадтай л адилхан хүн шүү дээ. Сошиал ертөнц хүнийг аварч, алж ч болж байна. Би ханиа сайн мэднэ. Би л сайн мэдэхгүй бол өөр хэн мэдэх билээ. Өөр хэн ойлгох билээ. Тиймээс элдэв мэдээлэлд эмзэглэдэггүй. Ханиа аль болох тайван байлгаж, сэтгэл санаагаар дэмжихийг, түшихийг хичээдэг. Саяхан бид хоёрыг салсан гэх мэдээлэл цахим орчинд их цацагдана лээ. Би ч бас харсан, их гайхсан. Нэг пэйж хуудас нээгээд хандалт авахын тулд л Чукагийн талаар юм бичихээр хүмүүс шавчихдаг шиг байгаа юм. Хань бид хоёрыг үзэн яддаг 100 хүн байлаа гэхэд дэмждэг мянга, мянган хүн байгаа гэдэгт итгэдэг.
Хань минь их тайван, ямар ч юманд хүлээцтэй ханддаг. Үлгэрлэх сайн чанар ханьд минь олон бий. Би аргадуулж байсан уу гэхээс аргадаж байсан удаа байхгүй байх. Маргалда х, үл ойлголцох зүйл гаралгүй яах вэ. Би тийм үед дуугаа хураачихда г юм. Уур нь гараад, тайвшрахаар нь ярилцъя гээд. Тэгэхээр эмэгтэй хүнд их хэцүү байдаг юм шиг байна лээ.
Хоёулаа тайван, юманд хүлээцтэй ханддаг болохоор маргалдах, үйл ойлголцох зүйл харьцангуй бага гардаг” гэжээ.
