Эмоци хамтлагийн гэр бүлийн хоёр болох жүжигчин О.Тэмүүжин, Г.Нарансолонго нарыг танихгүй хүн ховор. Өдгөө урланийн тогоонд 20 орчим жил чанагдаад байгаа тэд дундаасаа гурван хүүхэдтэй.
Хаана ч, хэзээ ч хамтдаа байдаг тэд өөрсдийнхөө кино шиг гоёхон өгүүлэмжтэй гэрэл зургааг цахим хуудаснаа цацжээ. Тус хамтлагийн уран бүтээлчдийн хувьд шинэ уран бүтээлийн зураг авалтаа орон нутагт хийж байгаа. Ингэх далимаараа хосууд дурсамж бүтээхээ мартсангүй.
Хосуудын хувьд 5 насны зөрүүтэй ч, Г.Нарансолонго өөрийгөө 25-тай бүсгүй мэт гоёхон, дур булаам авч явдаг учраас насны зөрүү огт ажигллагддаггүй.
Жүжигчин бүсгүй нэгэн хэвлэлд өгсөн ярилцлагандаа нөхрийнхөө тухай “Манай Тэмка халамжтай шүү. Хоол унд хийхдээ надаас бараг илүү. Гэрт зочин ирвэл Темка л гардаж хоол ундаа хийдэг, би хажууд нь туслах тогооч маягаар бэлтгэх ажил хийж өгдөг. Их хөдөлгөөнтэй, өөрийнхөө санасныг гүйцэлдүүлж байж санаа нь амарна, бүх юм нь ил хүн дээ. Уурлах нь амархан, уур нь гарах нь амархан. Би бол эсрэгээр нэг уурлатлаа нэлээд удна, уурлачихвал уур нь гарахгүй.
Байнга хамт байгаа болохоор “уншдаг” болчихжээ. Би бол их дөлгөөн, тайван. Манай Темка бол таны өөдөөс ингэж томоотой суугаад ярилцлага өгөхгүй, энд тэндхийн юм барьж тавиад л тогтож суухгүй л дээ. Ямартаа ч бид зорьсон ажлынхаа эцсийг үзээд, сайн сайхан амьдрах юмсан гэж хүсдэг. Хүн ер нь жаргалыг л хүсдэг байх. Бэлтгэлээ хийгээд үүрээр гэртээ орсон ч дуртай ажлаа хийж яваа болохоор түүнээсээ кайф авдаг.
Анх намайг Х ТҮЦ-д тоглож байхад манай хүн оюутан, бидний тоглолтонд бүжиглэдэг байсан. Тэмка юманд яг чин сэтгэлээсээ хандаж, аливааг болгож бүтээхийн төлөө тэмцдэг. Зорилготой, ханьдаа, үр хүүхэддээ халамжтай, хамгийн гол нь зөв бодолтой. Анх намайг эргүүлэхэд нь би “үгүй” гэчихээд байхад тэрийг үл тоон эрчимтэйгээр “дайрсан”. Магадгүй тэрэнд нь болоод би дурласан байх. Анхандаа үл тоож нэлээд явуулсаан, явуулсан. Энэ чинь “яадаг юм” гээд л дайраад байгаа юм чинь. Гэр орныхон маань ч аль аль нь их сайхан хүлээж авсан. Манай хадам аав, ээж залуу хүмүүс байдаг” гэжээ.
