Амьдрал бол хүүрнэж дуусашгүй баян амьдралтай, тааж хэлэх аргагүй сонин хачнаар дүүрэн хөлөг онгоц гэлтэй. Мөнгө хөрөнгө алдар нэр хоёр түүнийг улам бүр өрнөлэй басхүү адармаатай болгож орхидог хэмээн манай нэгэн олны танил эрхэм хэлсэн нь үнэний ортой.
МУГЖ жүжигчин Аглуу буюу СТА Л.Баттулга таван жил ганцаараа уран бүтээл туурвиж явсны эцэст “Х-ТҮЦ” продакшнтайгаа нэгдэхээр болсон. Улс төр бизнесийн хүрээлэл сайтай гэгддэг тэрээр монголын чадалтай, авьяастай жүжигчдийн нэг. Түүнийг мэргэжлийн талдаа хэнийг ч дагуулахгүй нэгэн гэдгийг мэргэжлийн хүрээнийхэн нь нотолцгоодог.
Ноён Аглуу өнгөрсөн дөрөвдүгээр сард хэнз үрээ өлгийдсөн. Нэгэнтээ өөрийгөө “баян аав” хэмээн тодорхойлсон түүний хэнз үр хүү гэнэ шүү.
Насны намарт төрсөн учраас өмнөх хойдох амьдралаас төрсөн олон эгч нараас нь илүү онцгойлж өсгөнө гэдгээ найз нөхөддөө дуулгаад байгаа гэнэ лээ.
Түүний найман хүүхдээс 5 нь охин.
