Цар тахалтай холбоотойгоор хүүхдийн баяр буюу олон улсын хүүхдийн эрхийг хамгаалах өдрийг хоёрдахь жилдээ нэгдсэн журмаар төрөөс төсөв гаргаж, албан ёсоор тэмдэглэсэнгүй.
Харин иргэд гэр бүл, найз нөхдийнхөө хүрээнд гэр гэртээ хүүхдүүдээ цомхон баярлууллаа. Иргэдийн ихэнх нь үр хүүхдээ агаар салхинд гаргаж тоглуулж наадуулан, бэлэг сэлт, амтат хоолоор дайлж баярлууллаа.
Харин боломжийн амьдралтай “тасарцан” баячууд нь урлагийн үзүүлбэр, паркийг гэрийнхээ гадаанаа аваачин хүүхдүүдээ эрхлүүлжээ.
Топ бүсгүйн том охиндоо зориулсан бэлэг
Тухайлбал, топ модель Д.Пүрэвсүрэн болон түүний нөхөр “Ханаду майнз” алтны уурхайн эзэн Ганбаяр нар дөрвөн хүүхдээ тоглуулахын тулд хийлдэг гулгуур болон бусад тоглоомыг зуслангийнхаа хаусын гадна аваачжээ.
Дөрвөн хүүхдээ өдөржин тоглуулж, дээд зэрэглэлийн тогооч хөлслөн амтат зоог гэр бүлээрээ барьсан байна. Тэдний том охин М.Мөнхжин энэ жил насанд хүрч, гадаад руу оюутан болж явах гэж буй учраас өмнөх жилүүдээс илүү өргөн дэлгэр тэмдэглэжээ.
Ганц охиноо гэр бүлээрээ баярлуулав
Buro.Mongolia-гийн үүсгэн байгуулагч, загварын хорхойтон, Монголын Мэргэжлийн Дизайнеруудын Холбооны Ерөнхийлөгч мисс Ө.Содгэрэл хэдэн жилийн өмнө УИХ-ын гишүүн асан М.Зоригтын бэр болсон. “Боди” групп, “Голомт” банканд хувьцаа эзэмшдэг хайр халамжтай нөхөртэй гэгддэг тэрээр бүсгүйчүүдийн мөрөөдлийн амьдралаар амьдарч яваа нэгэн. Тэрээр хотын захад үзэсгэлэнт байгалийн дунд өөрийн гэсэн эзэмшил газартай, тансаг харшид амьдардаг. Хур хөрөнгөтэй айлд бэр орсон учраас газар дээрх ганц охиндоо хорвоогийн сайхан бүхнийг мэдрүүлэхийг хүсдэг.
Тэрээ хүүхдийн баяраар охиндоо зориулж паркийн тоглоомыг гэрийнхээ гаднах цэлгэр талбайд байрлуулахаас гадна, рестораны дээд зэрэглэлийн хүлээн авалтын цогц үйлчилгээ, урлаг соёлын үзүүлбэр тоглолт зэргийг өндөр үнээр хөлслөн авсан сурагтай.
