Монголын урлагийн тогоонд үлгэр жишээ сайхан хос нэгээр нэмэгдсэн нь МУГЖ дуучин Г.Ариунбаатар, жүжигчин Б.Баярмаа нар. Хэн хэн нь алдаж онож учирсан энэ учралдаа харамсдаггүй бөгөөд өөр өөрсдийн өнгөрсөн амьдралаас төрүүлсэн хүү охидоо өөриймсөг өсгөдөг гэнэ лээ.
Хэзээд хань нөхрийнхөө ард талыг батлан даадгаараа алдартай жүжигчин бүсгүй энэ удаад эр нөхөртөө хандаж “Хань минь тэмүүлээд байгаарай” хэмээн амжилт хүсчээ. Учир нь түүний хань энэ сарын 6-нд алдарт Марийнскийн тайзнаа “Травиата” дуурийн гол дүр болох эцэг Жорж Жермоны дүрийг бүтээх аж.
Жүжигчин Б.Баярмаа анхны нөхрөөсөө гурван охинтой. Түүний экс нөхөр хэд хэдэн удаа хар тамхины хэргээг шоронд орсон. Хэрэв Б.Баярмааг өөр хүнтэй амьдарч, хүүхэдтэй болсон бол монголчууд тэр эмэгтэйг газар дор ортол муулах байлаа. Эсрэгээрээ харин жүжигчин Б.Баярмаагийн шинэ сонголт, хувийн амьдралыг хүмүүс талархан дэмждэг. Энэ нь ч аргагүй биз. Од байраа олсон цагтаа, хүн хайраа олсон цагтаа гялалздаг гэдгийг МУГЖ, Чингис хаан одонт Г.Ариунбаатар, жүжигчин Б.Баярмаа хоёрын амьдрал харуулж байгаа.
Дэлхийн тэргүүлэх дуурийн дуучин Г.Ариунбаатар, жүжигчин Б.Баярмаа хоёр одоо нас нь дөнгөж 30 гарч яваа залуу дуучид. Гэхдээ 30 хүрээгүй байтлаа хоёулаа нэг нь Монголын кино урлагт, нөгөө нь дэлхийн сонгодог урлагт нэр мөрөө үлдээсэн амжилттай уран бүтээлчид. Хувийн амьдралаа төвхнүүлж, Баярмаа, гурав, Г.Ариунбаатар хоёр хүүхэдтэй болсон.
