Улаанбаатар хотын дарга Д.Сумъяабазарын гэргий мисс Ч.Мичидмаа өчигдөр 50 насны төрсөн өдрөө тэмдэглэжээ.
Төрийн ордны сийлбэрийг урласан Чуваамэдийн охин мисс Мичидмааг та бид эртнээс мэднэ. 1990-ээд онд Монголын сайхан бүсгүйгээр шалгарч Д.Долгорсүрэн зааны бэр болсноос хойш олны анхаарлын төвд байсаар ирсэн билээ. Тэдний хаана, ямар байдалтай явах нь хүртэл байнга хүмүүсийн анхаарлыг татаж байсан гэхэд хэтрүүлсэн болохгүй. Эхнэрийнх нь өмсөж зүүсэн, ямар бренд хэрэглэж байгаа нь хүүхнүүдийн атаархлыг хөдөлгөж эрчүүдийн нүдийг хужирладаг бол нөхрийнх нь бие хаа, спортын амжилт нь эрчүүдийн атаархлыг хөдөлгөж, хүүхнүүдийн нүдийг хужирладаг нь үнэн билээ.
Ч.Мичидмаа миссүүд дотроо хамгийн их дипломтой, төгссөн сургуулийнхаа тоогоор тэргүүлнэ. Аваргад хоёр сайхан хүү төрүүлж өгч, хажуугаар нь дээд сургуулиудын дипломыг түүх шиг болсон ч хамгийн хачирхалтай нь тодорхой хийсэн ажил, албан тушаалгүй хэмээн мисс бүсгүйг ойр дотныхон нь хэлэх юм. Тэртэй тэргүй мөнгө хөрөнгө олохдоо түүртдэггүй аварга, хотын дарга маань авааль гэргийгээрээ ажил хийлгэхийг хүсдэггүй гэнэ лээ.
