“Танайд хоноё” нэвтрүүлгийг өөрийн гэсэн өвөрмөц өнгө аястай болгож, үзэгчдийг байлдан дагуулсан сэтгүүлч Г.Алтантүрүүг танихгүй хүн ховор.
Мэргэжлийн ур чадвар, харизмаараа олноос ялгардаг онцгойрч чаддаг түүний гэр бүлтэй танилц. Өрөөлийнхөөр хонон өнжин явдаг тэрээр өөрийнхөө гэр бүлийг чанадлан нууцалдаг.
Нэгэн хэсэг архинаас болж эхнэрээ сошиалд элдвээр бичиж явсан тэрээр гэр бүлээ эмх цэгцэнд оруулжээ.Түүний гэргийг Оюунгэрэл гэдэг. FM 101,7 радиод хөтлөгч редактор хийдэг, мөн хажуугаар нь шоу бизнест хүч үздэг сэргэлэн бүсгүй. Хосууд дундаасаа хоёр хүүтэй.
2017 онд бага хүүг төрөх үед Г.Алтантүрүү “Танайд хоноё” нэвтрүүлгээ хийхээр одоогийн УИХ-ын гишүүн, “Сөүл” группийн захирал, хатагтай Д.Өнөрболорынд хонож таарсныг уншигч та бүхэн санаж буй байх.
Нэвтрүүлгийн үеэр шөнө дунд эхнэр нь утсаар ярьж, төрөх эмнэлэг рүү яаран гарсан бөгөөд Д.Өнөрболор гишүүн болон түүний нөхөр Ганбаярын хамт Алтантүрүүгийн эхнэрийн хэвтсэн эмнэлэгт очиж, шинэ хүн дуугаа хадаан мэндлэх хүртэл аавтай нь хамт догдлон хүлээсэн нэгэн түүх зөвхөн энэ нэвтрүүлгийн хувь зохиолыг баяжуулсан түүхтэй.
