Хүний гавъяат эмч, хамба лам Д.Нацагдоржийн зөвлөсөн ядаргаанаас гарах уламжлалт аргыг хүргэж байна.
Уламжлалт анагаан ухаанд борви, тойг, далны маяа гэсэн гурван ясыг ядаргаа тайлах шөлөнд ашиглаж “ Гурван шимтийн тан” хийдэг ажээ. Энэ гурав дээр ахар сүүлний ясыг нэмэхэд “Дөрвөн шимтийн тан” болно.
Биеийн хийг дарах, ядаргаа тайлах онцгой чанартай. Чөмөгний химийн найрлагыг Уламжлалт анагаах ухааны хүрээлэнгээс судалж гаргаснаар чөмөгний химийн холбоо бэлгийн гормоны химийн холбооноос хоёрхон холбооны зөрүүтэй байдаг нь батлагджээ. Үүнийг манай монголчууд мэддэг байснаас бага насны хүүхдэд “Нусгай болно” гэж чөмөг идүүлдэггүй, харин хөгшид чөмөгний ясаа цайнд чанаж байнга хэрэглэдэг байжээ.
Энэ нь кальци яснаас авах, дархлаа сайн байлгах, залуу байлгах чухал ач холбогдолтой юм. Яснуудыг 10-15 цаг чанаж шөл гаргаж хэрэглэдэг. Ялангуяа хөгшид настайчуулдаа өгөх, эмнэлэгт хэвтсэн хүмүүсээ ийм шөлөөр чанасан цай, хоолоор эргэх тун ч зүгээр.
Чанахдаа жижиг газын плиткан дээр чанаж, буцлангуут галыг багасгаж хамгийн бага дээр тавина. 90 минутаас их хугацаатай чанана.
Нэг жижиг газ ойролцоогоор 5 цаг болдог. Хамаг биений хөлс гарч бие маш сайхан амардаг юм. Удаан буцалгахад доорх зурган дээрх шиг яснууд нь бутраад салдаг.
Ясны химтэй хэсгээс кальци нь тэр чигтээ шөлөндөө уусна.
