“The wasabies” хамтлагийн дуучин Э.Аминхүслэн айлын бэр болж, анхны үрээ тэврэхээр тэсэн ядан хүлээж байна.
The Wasabies хамтлаг нь Францын Star Academy шоуны монгол хувилбар болох Боловсрол телевизээс зохион байгуулсан Оддын Академи реалити шоунаас төрөн гарсан охидын хамтлаг билээ. Тэгвэл хамтлагийн хамгийн baby царайтай гэгдэх Э.Аминхүслэн айлын бэр болж, анхны үрээ тэврэхээр тэсэн ядан хүлээж байгаа аж. Түүний бэр гуйлгах ёслол саяхан болсон бөгөөд аав ээжээсээ тусдаа өрх тусгаарлан амьдарч эхэлжээ. Э.Аминхүслэнгийн хувьд энэ жил 20 нас хүрч буй. Үе тэнгийнхээ залууг насны ханиар сонгосон тэрээр анхны хайртайгаа амьдралаа холбож буй нь энэ ажээ.
Охидын хамтлаг нь 2018 оны 4-р сарын 5-нд Girls Generation дуугаараа уран бүтээлийн гараагаа хийсэн бөгөөд дараа нь Ү-гүй, Bestie , Love # 1, Toy, Run away зэрэг дуунуудаа гаргасан билээ.
The wasabies хамтлаг нь анх Буяндулам, Энхгэрэл, Аминхүслэн, Анужин, Анжелина гэсэн таван гишүүнээс бүрдсэн ч хамтлагийн гишүүн Анжелина бие даасан уран бүтээлээ хийхээр хамтлагаасаа гарсан.
