Жүжигчин Г.Нарансолонго гурван хүүхэдтэй. Түүний том охин Т.Амина өнгөрсөн жил ээжтэйгээ хамт үндэсний хувцасны брэндийн нүүр царай болж олны өмнө гарч ирсэн.
Тэрээр уг нь БНСУ-д суралцдаг ч короновирусын улмаас бүтэн жил гэртээ ээж аавынхаа арыг дааж, хоёр эрэгтэй дүүгээ харсан шигээ өдрийг өнгөрүүлж буй гэх. Гэхдээ тэрээр боксын спортоор хичээллэж эхэлжээ.
Хүний нутагт суралцдаг учир бие хамгаалах чадварыг суралцах нь зүйтэй хэмээн үзсэн учир ийнхүү боксдож эхэлсэн байна.
Т.Амина охин жүжигчин Г.Нарансолонгын анхны нөхрийн хүүхэд бөгөөд таван настайдаа найруулагч Д.Золбаярын “Усны үнэр” уран сайхны кинонд тоглож, Олон улсын кино наадмаас шүүгчдийн нэрэмжит тусгай шагнал хүртэж байжээ.
