Эмэгтэй хүн буддаггүй байхдаа үзэсгэлэнтэй, будагтай үедээ хүчирхэг гэдэг. Тэгвэл таныг улам хүчирхэг харагдуулах, мөн гоо үзэсгэлэнг тань тодотгох будалтуудыг хийдэг Bella буюу Б.Алтанзул, “Наруми” студийн захирал Нами буюу Г.Нармандах нар хоорондоо “дайтаж” эхэлсэн байна.
Бүсгүйчүүдийн хэн хэн монголын урдаа барьдаг шилдэг нүүр будагч, артистуудын нэг.
Тэдний алалцах болсон шалтгаан нь Bella-гийн нүүр арчилгааны зөвлөгөөнөөс болов. Bella “”Хүйтэн усаар нүүрээ угаах нь арьсыг улаан болгоно. Мөсөөр нүүрээ арчих нь ЭРСДЭЛТЭЙ” хэмээн зөвлөсөн нь Г.Нармандахын бухимдлыг төрүүлжээ.
Тэрээр Bella-гийн зөвлөгөөг шэйр хийгээд “Ингэж зөвлөгөө өгөхгүй ээ .Ихэнхи зөвлөгөөнүүд нь ташаа байнаа. Жаахан судалгаатай баймаар байнаа.
1. Зовхины тосыг зузаан түрхэж болохгүй, тэр тусмаа өглөө нүүр будалтын өмнө түрхвэл нүд орчмын будаг бууна.
2. Мөс эрсдэлтэй гэдэг нь юу гэсэн үг вэ? Ямар ч тодорхойгүй байна. Юу нь эрсдэлтэй юм? Яагаад эрсдэлтэйг тайлбарлах хэрэгтэй.
3. Арьс чийгээр хангалттай хэмжээнд хангагдаж чадахгүй үед арьс өөрөөсөө тос ихээр ялгаруулдаг, энэ нь нүхжилт үүсэх шалтгаануудыг нэг болдог.
4. Арьсыг 7 хоногт 3 удаа гуужуулж болохгүй, 1-2 хангалттай.
5. Нүүр будагч болох гэж буй хүмүүс гараа сулруулна гээд байх юм. Гарыг зүгшрүүлнэ гэж хэлвэл тохиромжтой. Нүүр будагч нарын гарыг зүгшрүүлэх олон улсад шалгарсан арга бол Facechart book байдаг. Энэ номыг Монголд гаргаад хагас жил болж буйг мэдсэн л баймаар юм” хэмээн заавар зөвлөгөөг өгчээ.
“Narumi” Г.Нармандахын хувьд нүүр будгийн чиглэлээр 11 дэх жилдээ ажиллаж байна. Энэ чиглэлээр тэргүүлэгч орон болох АНУ-д гоо сайхны институтэд мөн Герман улсын чадварлаг багш нараас суралцсан гэнэ. “Наруми” студийн захирал тэрээр Дэлхийн аварга шалгаруулах “OMC Hair World 2016” тэмцээнээс гуравдугаар байрт шалгаран өөрийн авьяас чадвараа баталсан байна. Мөн нүүр будалтын чиглэлээр анхны номыг гаргасан.
Харин монголын шилдэг нүүр будагчдын нэг Белла буюу Б.Алтанзул БНСУ-д нүүр хувиргагч мэргэжлээр төгссөн бөгөөд БНЭУ болон ХБНГУ-д тус тус мэргэжил дээшлүүлсэн байна. Белла хүн болгоны дахин давтагдашгүй төрхийг бүтээхийг эрмэлздэг бөгөөд түүний зөвлөгөө яахын аргагүй охид бүсгүчүүдийн тулгамдсан асуудлыг шийдэхэд нь тусалдаг гэнэ лээ.
