Дуучин Ч.Уранхолбоо залуусыг саналаа өгөхийг уриалж дараах постыг оруулжээ. Тэрээр ” Өнөөдөр улс орон маань шинэ төрийн тэргүүнээ сонгох чухал өдөр тохиож байна.
Хүүхэд байхад сонгуулийн өдрийг бараг баярын өдөр гэж боддог байж билээ. Сонгуулийн өдрөөр гүйж очоод цонхоороо харахаар хүүхэд, хөгшингүй хамгийн гоё хувцасаа өмсөөд, өглөө эртлэн босч, сонголтоо хийчихээд, хөрш айлынхантайгаа тааралдаад мэнд усаа мэндэлцээд, найзуудтайгаа тоглоод их сайхан өнгөрдөг байсансан. Одоо ч энэ мэдрэмж хэвээрээ байдаг…
Эх орон маань бидний юугаар ч улс сольшгүй үнэт зүйл маань юм.Хүн бүрт Улс орныхоо “Тэргүүн”болох нэгнийг сонгох эрх бий. Тийм учир
иргэн бүр сонгуульдаа идэвхитэй оролцож, хариуцлагатай хандахыг уриалж байна.
Миний хувьд надад итгэж, дэмждэг хүмүүсээ хүндэтгэж, аль нэг намын сонгуулийн сурталчилгаанд оролцолгүй, үнэт зүйлийг үнэ цэнэтэйгээр нь байлгахыг хүссэн. Та бүхэн минь идэвхтэй оролцож, цагаан сонголт БИШ, ЗӨВ СОНГОЛТ-оо хийцгээгээрэй” гэжээ.
