Монгол улсын Ерөнхийлөгчийн сонгуульд ХҮН-аас нэр дэвшигч Д.Энхбат намынхаа түүхэнд шинэ хуудас нээж амжилттай сонгуульд оролцлоо.
Тэрээр санал хураалтаар нийт сонгогчийн 239 мянга орчим саналыг өөр дээрээ авсан. Энэхүү үйл явдал түүний хувьд ялагдал мэт боловч намынх нь карьерт “ялалт” авчраад байгаа гэхэд хилсдэхгүй. Тэгвэл нэр дэвшигч Д. Энхбат өөрийн цахим хуудаснаа санал өгсөн иргэддээ талархал дэвшүүлжээ. Тэрээр “”Сонгууль өндөрлөлөө.
Манай баг, дэмжигчид маш сайн ажилласан. Бид энэ сонгуульд гэрэл гэгээ, шинэ өнгө авчирч чадсандаа баяртай байна. Сайн цаг өөрөө ирдэггүй, түүнийг авчирдаг гэдэгт итгэж бид зүтгэсэн. Монголчууд бидний сонголт мэргэн байж улс орон минь мандан бадрах болтугай! Чин сэтгэлээсээ, хамтдаа зүтгэвэл ялалт бүрэн боломжтойг Монголын шинэ үеийнхэнд мэдрүүлсэн бол бидний зүтгэл үр дүнгээ өгсөн гэсэн үг. Хуучин нүсэр тогтолцоо, халамжийн сэтгэлгээ тийм ч хүчтэй бус, удахгүй солигдох болно. Өнөөдөр бид тэр зүгт нэг алхам хийлээ. Амжилт!” гэжээ.
