Энэ сарын 10-13-ны өдрүүдэд Сүхбаатарын талбай дээр номын үзэсгэлэн худалдаа болсон. Тус үзэсгэлэн худалдаанд олны танил оролцож, өөрийнхөө оюуны бүтээлийг худалдан борлуулж байв. Зохиолчдоос гадна урлагийнхнаас өөр хэн хэн байсныг товчхон сануулъя.
Ардын жүжигчин Ш.Чимэдцэеэ
Монгол Улсын Ардын жүжигчин, уртын дуучин Ш.Чимэдцэеэ Жаахан шарга, Дарьганга, үзэмчин, урт богино дууны түүвэр, “Дууны шуранхайд шүлэг төрнө” яруу найргийн түүвэр, “Алтан хөхийн оргил”, “Алтан овоо”, “Ижий буурал гол”, “Тэнгэрийн тэртээх аялгуу”, “Ижий оролсон нутаг”, “Бүүвэйн аялгуу”, “Хурдан морины марзай гийнгоо” зэрэг СD-нүүдийг гаргасан.
Соёл судлаач Ц.Наранханд
Нэгэн цагт “грек” Зулаа нэрээр залуусыг байлдан дагуулж явсан бүсгүй бол Ц.Наранханд. “Лаки минт” шүдний ооны рекламанд тоглож өөрийгөө давхар рекламдан олны танил болж, дараа нь “Надтай гэрлээч” киноны гол дүрд тоглосон жүжигчин бүсгүй нэгэн хэсэг эмэгтэйчүүдэд зөвлөгөө өгч “Эх үрсиий судар” гэх ном хүртэл хэвлүүлж, борлуулсан хөдөлгөөнтэй нэгэн. Учир нь Ц.Наранханд дунд хүүгээ төрүүлэх үед анхны төрөгч шиг байсан учир ийн номоо гаргахад хүргэсэн гэдэг. Түүнээс заавар зөвөлгөө авах гэсэн ээжүүд оочир дугаар авч Ц.Наранхандтай уулзаж зөвөлгөө авдаг аж. Ганц кинонд тоглож олны танил болсон Ц.Наранхандын тухайд хувийн амьдралын тал дээр асуудалтай явж байгаад саяханаас жигдэрсэн гэдэг. Анхны амьдралаа чинээлэг эртэй эхлүүлж хүүгээ өөр дээрээ аван хоёр тийш болсоноос хойш сураг алдараад байсан тэрээр гэнэт гурван хүүхдийн ээж болсоноор ийн гарч ирсэн.
Комедиан Амараа
Монголын сошиал нөлөөлөгчдийн нэг бол эдийн засагч Амартүвшин буюу Амараа. Тэрээр сүүлийн үед улс төрийн асуудалд ихээхэн дуугарах болсон. Өөрийн бичсэн номнуудаас гадна Хану найзынхаа гэргийн орчуулсан номнуудыг Сүхбаатарын талбай дээр зарж багагүй орлого олсон гэнэ лээ.
Нийтийн дуучин Хумбагарын Батмэнд
Алдарт дуучин Адарсүрэн гуайг санагдуулам хоолойгоороо анх олонд танигдсан дуучин бол Хумбагарын Батмэнд. Өөрийн гэсэн хэд хэдэн уран бүтээлтэй тэрээр өнгөрсөн хөл хорионы үеэр “Хайраар дүүрэн тавилан” ном гаргасан нь олон нэр зохиолчдын талархалыг хүлээсэн. Учир нь тус номонд монгол ахуйг мартагдах шахсан зарим үг хэллэгээр буулгаж, энгийн амьдралыг хүүрнэсэн нь уншигчдийн магтаалыг хүртсэн юм.
