Төр түмнийг тэргүүлж, Ерөнхийлөгч болно гэдэг хэн хүний аавын хүүд тохиодог хувь тавилан биш. Спортоос олсон сийрэг ухаан, арга мэхээрээ улс төр, бизнесийн ертөнцөд цахиур хагалсан хүн бол “Женко” Ерөнхийлөгч Х.Баттулга.
Дөрвөн жилийн бүрэн эрхээ дуусгаад байгаа тэрээр энгийн ардын эгэл амьдралдаа илүү хайртай гэсэн. Энэ бүхнийгээ батлах гэсэн мэт тэрээр өнгөрсөн амралтын өдөр Сүхбаатарын талбайд болсон номын өдөрлөгт зочилж, номнууд худалдан авчээ. Ингэхдээ тэрээр ёслолын хувцас өмсөөгүй, төрийн тусгай хамгаалалтгүй эгэл ардуудынхаа ижил явсныг эх сурвалжууд хэлж байна.
Хэзээд хээ шаагүй тэрээр Ерөнхийлөгч байхдаа ч, Туул гол дагуу ганцаараа хувийн бэлтгэл базааж, гүйгээд явж байдаг байв.
