Хэдхэн хоногийн өмнө Монгол Улсын Ерөнхийлөгчийн найм дахь удаагийн сонгуульд МАН-аас нэр дэвшигч У.Хүрэлсүх ялалт байгуулсан. Тэрбээр саналаа өгсөн нийт сонгогчийн 805.430 буюу 67.8 хувийн санал авч үнэмлэхүй ялалт байгуулсан юм.
Хамгийн бага ирцтэй Ерөнхийлөгчийн сонгуульд хамгийн их санал авсан Ерөнхийлөгчөөр түүхэнд үлдэж буй.
Тэгвэл өнөөдөр түүний төрсөн өдөр тохиож байна. Тэрээр өнөөдөр 53 нас хүрч буй юм. Тэрбээр 1968 оны зургадугаар сарын 14-нд төрсөн.
Үндсэн хуулийн нэмэлт өөрчлөлтийн дагуу тэрбээр энэ сарын 25-нд тангараг өргөж, зургаан жилээр нэг удаа Төрийн тэргүүнээр ажиллах юм. Монгол Улсын Ерөнхийлөгчийн тангараг өргөх ёслолын журамд “…Монгол Улсын Их Хурал Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрсөн хууль гаргасны дараа Ерөнхийлөгч Улсын Их Хурлаас товлон тогтоосон өдөр, цагт Монгол Улсын Их Хуралд Монгол Улсын Үндсэн хуулиар тогтоосон тангараг өргөнө” гэсэн байдаг.
