Монголын хошин урлагийн хамгийн авъяаслаг, царайлаг жүжигчдийн нэг бол “Эмоци” хамтлагийн жүжигчин Г.Нарансолонго.
Өдгөө 40 насны босго алхсан тэрээр 20 орчим жил урлагт зүтгэсний эцэст саяхан “Алтангадас” одонгоор энгэрээ мялаасан. Түүний энэхүү шагналыг нүдээ олсон хэмээн дүгнэх хүмүүс олон. Тиймдээ ч, түүнийг шагнал авахад зөвхөн хамтлагийн уран бүтээлчид нь очоогүй, дэмжигч фенүүд нь цэцгийн мялаалга өргөсөн.
Жүжигчин бүсгүй цэцэгт төөрсөн эвэрхий лугаа ижил дунд нь төөрсөнөө нуугаагүй. Тэрээр зуслан дээрээ бүх цэцгээ задалж, бяцхан охинтойгоо гэрэл зураг татуулжээ.