Нэг хэсэг өсвөр насны охид, хөвгүүдийн шүтээн болж явсан “Гала” хамтлагийн охид нэг л өдөр эрдэм номын мөр хөөн гэр бүл зохиож улмаар хамтлаг тарахад хүрсэн. 2004 онд анх байгуулагдаж байсан тус хамтлаг 2007 онд тарсан бөгөөд тэдний тухай дуулиан өнөөг хүртэл тасрахгүй хөвөрсөөр буй.
Хамтлаг тарснаас хойш олны нүдэн дээр хамтдаа харагдаагүй Ану, Болороо нарын хоорондын харилцаа хэр байдаг талаар, мөн дахин хамтдаа тайзнаа гарах эсэхийг олон нийт ихээр сонирхож буй.
Тэгвэл тус хамтлагийн гишүүд хамтлагийнхаа талаар баримтат кино хийхээр болжээ.
Энэ тухай дуучин Ану буюу сошиал нөлөөлөгч Ч.Уранхолбоо “Гала хамтлагтай холбоотой мэдээ мэдээлэл бүхий сонин, сэтгүүл, хайчилбар, дуу дүрс байгаа хүмүүс холбогдоорой. Баримтат киноны ажил маань эхлэх гэж байна шүү. Гала хамтлаг баялаг түүхтэй юмаа” гэжээ.
