УИХ-ын гишүүн асан Б.Ундармаагийн хэргийг дахин хэлэлцүүлнэ

Улс төрд нөлөө бүхий эрх мэдлээ ашиглан ЖДҮХС-гаас нэн хөнгөлөлттэй нөхцөлөөр зээл авч, хамаарал бүхий аж ахуйн нэгжүүддээ олгуулж, албан тушаалаа урвуулсан хэрэгт ял шийтгүүлсэн УИХ-ын гишүүн асан Б.Ундармаад холбогдох хэргийг прокурорын гаргасан эсэргүүцлийг үндэслэн Улсын дээд шүүхийн Эрүүгийн хэргийн танхимд хэлэлцэнэ.

Б.Ундармаагийн хувьд хамаарал бүхий “Доктор МЭИК” компанидаа дээрх сангаас 700 сая төгрөг нэн хөнгөлөлттэй нөхцөлөөр зээл авсан хэрэгт холбогдсон бөгөөд Баянзүрх дүүргийн Эрүүгийн хэргийн анхан шатны шүүхээс 2020 оны наймдугаар сарын 10-нд “Улс төрд нөлөө бүхий этгээд өөрт болон бусдад эдийн засгийн давуу байдал бий болгосон гэмт хэрэг үйлдэхэд зориуд хүргэж, хатгагчаар хамтран оролцсон” гэм буруутайд тооцсон юм. Улмаар нийтийн албанд ажиллах эрхийг нь зургаан жил хасаж, хоёр жил зургаан сар хорих ял ногдуулсан билээ.

Анхан шатны шүүхээс оноосон уг ялыг Б.Ундармаа болон түүний өмгөөлөгч П.Баасанжав, О.Сайнгэрэл нар хүндэдсэн гэж үзэн давж заалдах гомдол гаргасан. Уг гомдлыг нийслэлийн Эрүүгийн хэргийн давж заалдах шатны шүүх 2020 оны аравдугаар сарын 22-нд хянан хэлэлцэж, хорих ялыг нь өөрчлөн, 40 сая төгрөгөөр торгохоор болсон. Ингэж өөрчилсөн нь Б.Ундармаагийн эрүүл мэндийн байдалтай холбоотой, гурван ч удаа хүнд мэс засалд орсон, улсад учруулсан хохирлоо төлсөн, зээлийн хүүг нь ч барагдуулсан, гэм буруугаа мөрдөн байцаалтын шатанд ч, анхан шатны шүүх хурлын үеэр ч хүлээн зөвшөөрсөн гэх зэргийг нь харгалзан үзсэнээс болсон байдаг.

Харин давж заалдах шатны хуралд оролцсон гурван шүүгчийн нэг нь тусгайлсан санал гаргаж, торгох ял оноохыг эсэргүүцэж байсан гэдэг. Улсын дээд шүүхийн эрүүгийн хэргийн хяналтын шатны хурлын үеэр нэг шүүгчийнх нь гаргасан тусгайлсан саналыг ч хянан үзсэн юм. Уг нь хяналтын прокурор нь анхан шатны шүүхийн шийтгэх тогтоолыг хэвээр үлдээх ёстой хэмээн давж заалдах шатны шүүхийн магадлалд эсэргүүцэл бичсэн.
Нийслэлийн Эрүүгийн хэргийн давж заалдах шатны шүүхийн 2021 оны 03 дугаар сарын 31-ний өдрийн 329 дүгээр магадлалтай, Б.Ундармаад холбогдох 8 хавтас хэргийг прокурорын бичсэн эсэргүүцлийг үндэслэн хянан хэлэлцэнэ.

Дуучин Э.Чулуунчимэг: “Дуугүй явснаараа юу ч хожоогүй, болсон бүхнээ ярих цаг нь болсон”

Даян аварга Б.Орхонбаярт хаягласан ноцтой мэдэгдэл цахим орчинд нийтлэгджээ

Crush Bush хамтлагийн Батука эхнэртэйгээ эргэн нийлжээ

УИХ-ын гишүүн асан Б.Ундармаагийн хэргийг дахин хэлэлцүүлнэ

Crush Bush хамтлагийн Батука эхнэртэйгээ эргэн нийлжээ

Найруулагч Г.Цоггэрэл, МУГЖ У.Уранчимэг нар ач охиноо өлгийдөн авчээ

Дуучин Э.Чулуунчимэг экс найз залуу Д.Цэрэнтогтохын талаар дуугүй байсан бүхнээ дэлгэв

Дуучин Э.Чулуунчимэг: “Дуугүй явснаараа юу ч хожоогүй, болсон бүхнээ ярих цаг нь болсон”

Даян аварга Б.Орхонбаярт хаягласан ноцтой мэдэгдэл цахим орчинд нийтлэгджээ

Crush Bush хамтлагийн Батука эхнэртэйгээ эргэн нийлжээ

Найруулагч Г.Цоггэрэл, МУГЖ У.Уранчимэг нар ач охиноо өлгийдөн авчээ

Дуучин Э.Чулуунчимэг экс найз залуу Д.Цэрэнтогтохын талаар дуугүй байсан бүхнээ дэлгэв

Талийгаачийг хуучин соёлын төвийн байранд гавлаж, орхисон байжээ

Төв аймгийн Борнуур суманд эрүүлжүүлэгдэж байсан иргэн амиа хоролжээ

Продюсер Б.Ангирмаа манай дуранд

Улсын аварга О.Хангай манай дуранд

“Люмино” хамтлагийн Д.Тэмүүжин /MC/: Бүх замаас хураамж авдаггүй

УИХ-ын гишүүн асан Б.Ундармаагийн хэргийг дахин хэлэлцүүлнэ

Холбоотой мэдээ