“Бүтэн амьдрал” цувралд бүсгүй хүний амьдралд тохиолдож болох зовлон бүгдийг өөрөөрөө үзүүлсэн жүжигчин З.Онон амьдрал дээр тун жаргалтай нэгэн.
Налайхад хүүхэд насаа өнгөрүүлсэн тэрээр ээж аавынхаа дөнгөж 16,17 насанд төрж байсан гэдэг. Тиймээс дунд сургуулийн сурагч болтлоо эрх дураараа айлын эрх ганц охин явсан аж.
Харин дунд сургуулийн сурагч байхад нь Номин дүү нь төржээ.
Оюутан байхдаа заяаны ханьтайгаа учирч, өдгөө гурван охины ээж болсон. Түүний хань П.Идэржавхлан нийтийн дууны урлагт мөрөө тамгалж явсаа сайн уран бүтээлч. Дутах юмгүй дүүрэн амьдарч яваа тэрээр өөрийнхөө энэ буян заяаг урьд насны үйлийн үртэй холбоотой хэмээн үзэж аль болох хүмүүст тус хүргэж, хүнийг ойлгох гэж хичээдэг гэдгээ ч нуудаггүй.
Өдгөө тэрээр гэр бүлийн найзуудынхаа хамтаар хадмын нутгаар аялж яваа ажээ.
