Загварын ертөнцөд нэр хүндтэй “Next top model” телевизийн шоу нэвтрүүлэг Америкийн “CBS” телевизийн албан ёсны эрхтэйгээр 2017 онд монголын үзэгчдийн хүртээл болж байсан.
Нэвтрүүлгийн анхны дугаарт нийт 220 оролцогч шилдэг 16 оролцогчийн төлөө өрсөлдсөн юм. Тэдгээр шилдэг 16 охины нэг загвар өмсөгч М.Анхбаяр дөрвөн жилийн хугацаанд ийнхүү өөрчлөгджээ. Тэрээр тухайн охидоос хамгийн ялдам, хүүхдэрхүү төрхөөрөө ялгарч байв.
Нэвтрүүлгийн үед тэрээр Технологийн сургуулийн 3-р дамжааны оюутан байлаа. Унгар улсын гудмаар алхаж явахад загварын агентлагт ажиллах санал тавьсан нь түүний модель болох хүслийг төрүүлсэн гэдэг.
Багаасаа үзэж өссөн “Next top model” шоу Монголд албан ёсны эрхтэй хийгдэх болсныг дуулаад эргэлт буцалтгүй орохоор шийдсэн тухайгаа нэвтрүүлгийн үеэр хэлж байсан.
