“Би монгол эр хүн”, “Алтан нөхөд”,“Тогтохоо болилоо”, “Хоёр Маргаз уул” гэхчилэн уран бүтээлээр дуучин Б.Батболдыг монголын ард түмэн андахгүй. Тэгвэл тэрээр өчигдөр МУГЖ цол тэмдэгээр энгэрээ цоолуулжээ.
Дуучин Б.Батболдын хувьд 1995 онд Завхан аймгаас 21 настайдаа СУИС-д ирж суралцан, 27 настайдаа сургуулиа дүүргэжээ.
Тэрээр “Би монгол эр хүн” дууныхаа талаар “2 0 0 8 о н д “Би монгол эр хүн” дуу гарсан даруйдаа хит болсон. Энэ дууг Завханы МУГЖ С.Батсүх гавьяат өөртөө захиалсан ч дуулаагүй юм билээ. Залуу дуучдаар дуулуулахаар шийдэж хэд хэдэн уран бүтээлчдийн дунд бэсрэг шалгаруулалт явуулсан юм.
Түүнд нь би тэнцсэн.
Түүнээс өмнө Н.Цэвээнравдан багш “Би монгол эр хүн” дууны аяыг хийхээр ажиллаж байхад би шүлгийг нь уншиж үзээд шууд л “миний дуу” гэж хэлсэн нь төдөлгүй л биеллээ олсон юм. Би энэ дуундаа хайртай” гэжээ.
