“Эхнэрээсээ айдаг эр хүн гэж үгүй, эхнэрээ хүндэлдэг эр хүн гэж бий” гэдэг хэлц үг сүүлийн үед моданд орж буй. Тэгвэл эхнэрийнхээ амжилтын ард чимээгүйхэн дэмжиж, хайрлан халамжлан, хүндэтгэдэг энэ цагийн эрчүүдийг танилцуулж байна.
Соёлын сайд Ч.Номингын арыг даагч нөхөр
Дунд сургуулийн ширээнээс нэгнээ олж ханилсан хүмүүс бол Б.Бат-Эрдэнэ, Ч.Номин нар. Тэд ханилаад 15 жилийн нүүр үзэж буй ч гэрлээд 9 жил болж буй. Гурван хүүгийн аав ээж билээ.
МУГТ Г.Угалзцэцэгийн дэмжигч туслагч нөхөр
Бодибилдинг, фитнессийн Азийн гурав, дэлхийн дөрвөн удаагийн аварга, ОУХМ, “Улаанбаатар” фитнесс клубийн тамирчин, МУГТ Гамбагын Угалзцэцэгт өнгөрсөн жил нөхөр нь гэрлэх санаил тавьсан. Тэд мөн л залуу насандаа гэр бүл болж, 25 жилийг хамтдаа үдсэн. Дундаасаа охин хүү хоёртой. Г.Угалзцэцэгийн хувьд өдгөө 40 насыг хол давсан ч 30 настай бүсгүйгээс ялгагдахгүй залуу сайхан харагддаг. Охин хүү хоёр нь хэдийнэ насанд хүрсэн. Харин нөхөр бодибилдингийн холбоонд гишүүнээр ажилладаг ажээ.
Нэвтрүүлэгч Д.Одзаяагын дуучин нөхөр
Сошиал ертөнцөөр хэрхэн доллар олж болдогыг яруу тод харуулж яваа бүсгүй бол нэвтрүүлэгч Д.Одзаяа. Оюутны ширээнээс одоогийн амьдралын эзэн, хоёр хүүгийнхээ аав дуучин залуутай гэр бүл болсон тэрээр орчин цагийн сайхан хүүхнүүдийн нэг яахын аргагүй мөн. Бүсгүй хүнийг цэцэг мэт дэлгэрүүлдэг залууг сайн нөхөр гэхгүй юм бол өөр ямар залууг сайн нөхөр гэхэв дээ…
Жүжигчин Уянгын хөтлөгч нөхөр
Оюутны ширээнээс учирч, гурван хүүгийн аав ээж болсон хөтлөгч Ууганаа, Уянга нар орчин цагийн сайхан хосуудын нэг мөн. Эхнэртээ хайр халамжаа харамгүй өгдөг хөтлөгч, жүжигчин Ууганаа бага насаа аавгүй үдсэн учраас хүүхдүүддээ тэр зовлонг үзүүлэхгүй гэж эхнэрээ илүү ихээр хайрладаг гэнэ лээ.
Дуучин Д.Бурмаагийн Улсын начин нөхөр
Увс нутгийн гоо үзэсгэлэнг урлагийн тэнгэрт мөнхөлж яваа дуучин бол Д.Бурмаа. Гоо бүсгүйн шинж бүрдсэн түүний ханийг Улсын начин Насандэлгэр гэдгийг мэдэхгүй хүн ховор. Эхнэрийнхээ сайн сайхан байх бүх бололцоог хангадаг Насандэлгэр начин хайр халамжтай нэгэн. Тэд дундаасаа мөн л гурван хүүхэдтэй.
