Хошин урлагийн “Х Түц” продакшнаас даль жигүүр ургуулан нисч, салан тусгаарласан хамтлаг бол “Эмоци”.
Тус хамтлагийн ахлагч Төөтөө, хувьцаа эзэмшигч Нарансолонго нар оюутны нэг ангийн андууд.
Хэн нэгнийгээ эсрэг хүйстэн хэмээн хардаггүй нөхөрлөдөг тэдний үерхэл хэдийнэ 25 жилийн нүүр үзжээ.
Хамтлагаасаа анх удаа хос Алтангадас одонгоор энгэрээ мялаасанд үзэгчид шагнал нүдээ оллоо хэмээн магтсан.
Учир нь тэд оюутны ширээнээс эхлээд ажлын талбарт хамтдаа дөрөө хашруулан 20 жил зүтгэсэн юм.
Хамтлагийнх нь тэднийг аав ээж шигээ хүндэлдэг бөгөөд Г.Нарансолонгын нөхөр Тэмкаг том ах шигээ л хүндэтгэж суралцдаг гэсэн шүү.
