Монголд усны гүнж тодотголт ганц л бүсгүй бий. Тэр нь Ука. Одоо хэр нь усны гүнж дахин нэмэгдээгүйг үзвэл бүсгүй төвшнөө хадгалж чадаж буй хэрэг.
Угаас эрс тэс хуурай амьсгалтай манайх шиг оронд бүр “гүнж” болтлоо усанд хэвтэж байх жаргацан “жараахай” хаа байх вэ дээ. Онцгой хувьтай төрсөн бүсгүй сүүлийн үед хэвлэлийн дуран хараанаас бултан ичингүйрэх болж. Эсвэл зориуд галбираа гайхуулаад ч байгаа юм уу бүү мэд.
Тэгвэл өчигдөр түүний 42 насны төрсөн өдөр тохиожээ. Гэвч “гүнж” бүсгүй маань тэмдэглэсэнгүй.
Мэдээж Ковид үүнд нөлөөлсөн, нас нэмэхийн зовлон хоёр нөлөөлсөн байх. Түүний хувийн амьдралын хувьд УИХ-ын гишүүн Дэлгэрсайханы долоо дахь эхнэр болж хүү гаргаж өгч байв. Гэвч өнөөх нь өөр залуу бүсгүйг сонгож хэнз хүүхэдтэй болсон гэдэг.
Өмнө нь “Хар тас”-ын Маркатай халгих гал халуун залуу насаа үдсэн бүсгүй дахиад л ганц бие үлдэж. Магадгүй “гүнж” алдрын золиос ч юм уу даа.
