Ардын хувьсгалын 100 жилийн ойн Улсын их баяр наадмыг тэмдэглэх асуудлаар ойрын өдрүүдэд иргэд бухимдалтай байсан. Харин Засгийн газраас эцсийн шийдвэрийг гаргаж, наадмыг дараа жил хүртэл хойшлуулсан.
Тэгвэл уг шийдвэрт монголын төрийн зарим гишүүд бухимдалтай яваа бололтой. Тухайлбал, Ц.Даваасүрэн гишүүн цахим хуудаснаа “Тулгар төр байгуулагдсаны 2230, Их монгол улсаа байгуулсаны 815, Ардын хувьсгал, тусгаар тогтнолоо баталгаажуулсаны 100 жилээ тэмдэглэж чадахгүй болтлоо Монгол төр доройтов.Тусгаар тогтнолын бахархалын өдрөө тэмдэглэхэд дургүйцдэг хүмүүс олон болжээ.Ковидын нөхцөлтэй нь зохицоод тэмдэглээд өнгөрүүлэх боломж гаргах хэрэгтэй байлаа. Түүхээ үгүйсгэж огт болохгүй, 100 жил ганц л тохиолдоно шүү дээ” гэжээ.
