Хүн бүхэн элдэв зүйлээс айх айдас, харах өнцөг нь өөр хоорондоо харилцан адилгүй. Айдсаас таашаал авч, үүнийгээ амьдралын чухал хэсэг болгосон нэгэн байхад харсан бүхнээсээ эмээж, харанхуйгаас дөлж явах аймхай нэгэн ч гэж бий.
Тэгвэл олны танил хосууд “Түнэр харанхуй” нэвтрүүлэгт оролцож, айдастайгаа нүүр тулжээ. Тэдний ялагчаар Түвшинбаяр, Дөлгөөн нар тодорсон байна.
Нэвтрүүлгийн үеэр Дөлгөөн нөхрөө зоригжуулж, чиглүүлж байсан бөгөөд үг гэдэг хүнийг зоригжуулж, айдсыг хүртэл оргүй болгож болдог юм шүү гэдгийг харуулсан юм.
Тэднээс дутахгүй эр зоригтой байсан хосууд бол Эрхэмбаяр, Намуун нар.
Тэд зоригтой байсан ч, тооцоолохдоо харин өчүүхэн бага дутаж байв. Харин жүжигчин Ононгийн нөхөр дуучин Идэржавхлан могойноос айдаг гэдгээ батлав.
Бүжигчин Цэнгүүн ямар ч айдастай нүүр тулсан “аймхай” гэргийтэйгээ харилцааны тал дээр асуудал гаргадаггүй гэдгээ батласан юм.
