Бид өдөр тутмын амьдралдаа олон төрлийн харилцаанд оролцож байдаг. Гэр бүлийн, найз нөхдийн, ажил хэргийн, худалдаа үйлчилгээний гэх мэт үргэлжилнэ.
Харилцааг хязгаарлах арга байхгүй. Учир нь бид бүгд хамтдаа нийгмийг бүрдүүлж, харилцаж, харилцаанд суурилсан нийгмийн хамааралтайгаар амьдардаг. Гэхдээ бидэнд илүү уршигтай нөлөөлдөг харилцаа бол ойр дотны “хортой” харилцаа. Таарамжгүй эцэг, эх, атаархагч найз, далдуур матдаг ажлын хамт олон, чиний тухай мэдэхгүй ч шүүмжлэгч хамаатан гээд бидэнтэй ойр боловч хол баймаар “хортой” харилцаа үүсгэгчид чамгүй олон.
Чухам ийм л харилцаа хүний тархины эдийн нейронуудыг дахин сэргэхгүйгээр устгаж байдаг гэдгийг Германы эрдэмтэд нотлоод байгаа билээ. Өөдгүй хамт олонтой байлаа гээд дуртай ажлаа яах вэ???, Таарамжгүй эцэг, эхтэй байлаа гээд төрсөн өссөн нь үнэн юм хойно тэднийг яалтай билээ.., Атаархагч найз амьдралын явцад бий болж л байдаг .., тэднийг хааш нь ч хийлтэй билээ???
Тэгээд энэ бүхнийг яах вэ? … Бухимдал, гомдол, цөхрөл бүрийг өөртөө цуглуулаад суух уу ??? … Үгүй шүү. Огтохон ч тэгж болохгүй.
Эхний дүрэм. Та тэр хүмүүст өөрт тохиолдсон ямар ч харамсмаар, гомдмоор, сэтгэл дундуур байсан зүйлсийнхээ талаар юу ч битгий ярь. Тэр хүмүүст асуудлаа ярихгүй байх нь таны хамгийн сайн “довтлолт”. Ингэснээр та өөрийгөө найдвартай хамгаалж байгаа юм. Хэрвээ тийм төрлийн хүмүүст та өөрийнхөө гонсойж явдаг ямар нэг зүйлийн талаар ярьсан л бол дараа нь таны яриа таны эсрэг л ашиглагдах болно. Мэдээж, сонсож байх тухайн үедээ бол “хортой” харилцагч чинь таныг өрөвдөж байгаа царай гаргаж чадна л даа.
Хоёрдугаарт. Таарамжгүй гэр бүлээсээ, далдуур муулдаг хамт олон, чимээгүй атаархдаг найзаасаа хэзээ ч битгий тусламж ав. Мөнгө зээлэх, хүүхдээ харуулах, юм дамжуулж өгөх, авах гэх мэт. Учир тэднээс өчүүхэн тусламж авахад л тэр нь дараа танд өр болж ирнэ. Тиймээс ирээдүйд үүсэх “хэмжээгүй өр”-өөс татгалзсан нь дээр шүү.
Гуравдугаарт.
Та ямар нэг байдлаар эвгүй байдалд орсон, таныг маш ихээр уурлуулсан зүйлийн талаар тэдэнд ярихгүй байх. Хэрэв ам алдах л юм бол тэд таныг уурлуулж, бухимдуулах тэр зүйлийг санаатайгаар хийх болно.
Дөрөвдүгээрт. Та тэдэнтэй цагийг хамт өнгөрүүлэх хэрэггүй. Ойлголцдоггүй, санаа нийлдэггүй гэр бүлийн, хамт олны, найз нөхөдтэйгээ удаан хугацаанд хамт байх ямар ч хэрэггүй. Баяр ёслолын, хамт олон нийгмийн шинжтэй арга хэмжээнүүдэд хамт байх шаардлага гардаг л даа. Гэхдээ та тэнд тодорхой хугацаагаар тухайлбал 30-40 минутын хязгаартайгаар байх боломжтой. Таарамжгүй буюу “хортой” харилцаа таныг зөвхөн хордуулна. Энэ төрлийн харилцаа эрүүл мэндэд асар сөрөг нөлөөтэй гэдэг нь өнөөдөр шинжлэх ухааны энгийн ойлголт болжээ. Тиймээс та юуны өмнө эрүүл мэндээ хайрлах хэрэгтэй. Өөрийн гомдол, уур бухимдал, итгэл алдарсан цөхрөл зэрэг өөрийн сэтгэл зүйн хувиралаараа тэдгээр өөдгүй хүмүүсийг битгий тэжээгээрэй.
Хортой харилцааг үүсгэгч тэдгээр хүмүүс зөвхөн үүнийг чинь л хүлээж байдаг юм шүү. Тэгэхээр та дээрх дүрмийг баримтлан өөрийн сул талаа тэдэнд бүү “барьж өг”
