Хөдөө орон нутгийг зорих иргэдэд “Вакцины бүрэн тунд хамрагдан 14-өөс дээш хоносон, өвчлөөд эдгэрсэн хүмүүс орон нутаг руу PCR, түргэвчилсэн шинжилгээ өгөх шаардлагагүйгээр вакцины гэрчилгээ болон эмчийн магадалгааг үзүүлэн товчоодоор нэвтэрнэ” гэх шаардлагыг тавиад байгаа.
Үүнтэй холбоотойгоор короновирусын халдварын голомт болсон ХӨСҮТ-д өнгөрсөн шөнөөс эхлэн иргэд оочир дараалал үүсгэж эхэлжээ. Ингэснээр тэнд шинжилгээ өгөхөөр очсон иргэд нэг нэгнээсээ халдвар авах магадлалтай болоод байгаа юм.
“Хэн гэгч “ухаанд нь ухна ишиг үхсэн” хүн энэ газарт PCR шинжилгээ авъя гэж шийдсэн юм бүү мэд. Оочир дараалал үүсгэж буй иргэдийг буруутгах аргагүй” хэмээн иргэд олон нийт үзэж байна.
