Хэрвээ гурван охинтой, нөхрөө шоронд орсон хойгуур нөхрөөсөө салж, өөр хүнтэй амьдарч, хүүхэдтэй болсон бол монголчууд тэр эмэгтэйг газар дор ортол муулах байлаа. Эсрэгээрээ харин жүжигчин Б.Баярмаагийн шинэ сонголт, хувийн амьдралыг хүмүүс талархан дэмждэг.
Энэ нь ч аргагүй биз. Од байраа олсон цагтаа, хүн хайраа олсон цагтаа гялалздаг гэдгийг МУГЖ, Чингис хаан одонт Г.Ариунбаатар, жүжигчин Б.Баярмаа хоёрын амьдрал харуулж байгаа.
Дэлхийн тэргүүлэх дуурийн дуучин Г.Ариунбаатар, жүжигчин Б.Баярмаа хоёр хамт амьдраад багагүй хугацааг өнгөрүүлсэн. Дундаасаа хоёр ч хүүтэй болсон.
Тэгвэл жүжигчин Б.Баярмаагийн талаар бор шувуу жиргэх болжээ. Тэрээр анхны нөхрөөсөө гарсан гурван охидынхоо томыг нь аав нь үлдээж, хоёр бага охиноо Багануурт амьдардаг ээждээ үлдээжээ. Харин өөрөө гавьяат нөхрөөрөө төрсөн хоёр хүүгээ харсан шиг ээ, гэрийн эзэгтэйн үүргийг гүйцэтгэх болсон гэнэ.
Гэсэн ч амьдрал харагдаж байгаа шиг, тайз дэлгэцэн дээрх шиг гялалзаж байсангүй. Г.Ариунбаатарыг ёс төр болон гэрлэсэн эхнэр нь цагдаад өгч, Эрүүгийн хэрэгт нэр холбогдон шүүхийн хаалга татаж байв. Жүжигчин Б.Баярмаагийн нөхөр гурван охинтой ч мaнcyypyyлax бодис xэрэглэсэн хэргээр урлагийнхан болон бүсгүйчүүдтэй баригдан, шүүхийн шийдвэр сонссон. Энэ шалтгаан Г.Ариунбаатар, Б.Баярмаа хоёрын гэр бүлийн амьдралдаа цэг тавих шалтгаан болсон биз ээ.
Г.Ариунбаатар, Б.Баярмаа хоёр хайр сэтгэлийн холбоогоо олны хэл ам байтугай бурхнаас хүртэл нууцалсан нь тэр хоёрыг хүүтэй болтол нь хамт амьдарч байгааг хэвлэлийнхэн мэдээгүй. Энэ үед Г.Ариунбаатарын урлагийн карьер оргилдоо хүрч, спортоор бол олимпийн аварга, дэлхийн аваргын алтан медальтай болсон. Харин эсрэгээрээ Б.Баярмаа кино дэлгэцнээ гарах байтугай олноос нуугддаг болсон. Тиймээс ч “хөөрхөн хүүхэн” Б.Баярмаагийн сонголтыг хэн ч буруутгаагүй харин ч хүндэтгэдэг. Дөрөв таван жил шахам гэртээ сууж хүүхдүүдээ гардан өсгөсөн Б.Баярмаа одооноос инстаграм хаягтай болсон. Фэйсбүүкт Б.Баярмаагийн нэрээр пэйж нээхэд 10 хоногийн дотор шууд 20 мянган дагагчтай болсон гэхээр одоо ч олны анхааралд байгаа нь тодорхой.
Найруулагчид ч хөөрхөн, бас мэргэжлийн ур чадвартай, хуурамч, бус оноогдсон дүрээ эвлэгхэн бүтээдэг Б.Баярмааг кинондоо уралдан урих хүсэлтэй байгаа нь мэдээж.
