Дуучин Ч.Цэлмүүний ачаар олонд танигдаж тэр хэрээрээ бизнес нь багагүй өргөжөөд авсан хүн бол түүний экс нөхөр Б.Алтанхайрхан.
100 айлын барилгын материалын дэлгүүрийн эзний хүү гэгддэг тэрээр хоёр жилийн өмнө нэгэн бүсгүйтэй дэр нэгтгэж, хүүхэдтэй болсон талаар хэвлэлүүд бичиж байв.
Тэгвэл Б.Алтанхайрханы хоёр дахь амьдралын эзэн нь охидын “Honeymoon” хамтлагийн дуучин О.Золоо байсныг уншигч танд манай сайт анхлан хүргэж байв.
Тэд сар гаруйн өмнө бяцхан охиноо өлгийдсөн ч дуучин бүсгүй хүүхэд төрүүлээгүй мэт гоо үзэсгэлэнтэй хэвээрээ байна.
Тэрээр Б.Алтанхайрханд 2018 онд хүү төрүүлж өгч байсан. Ингэхдээ олны хэл амнаас дайжиж алс холын Солонгост амаржиж байв. Өнгөрсөн жил дуучин бүсгүйн төрсөн өдрөөр Б.Алтанхайрхан “Range rover” маркийн автомашиныг “Би чамд хайртай” гэсэн бичигтэй сагс дүүрэн цэцгийн хамт бэлэглэж байсан нь олны анхаарлыг татаж байв.
О.Золоогийн хувьд өмнө нь их аварга, Асашёорюү Д.Дагвадорж нэр холбогдож байсан.
Тэрээр “Honeymoon” хамтлагийн анхны гишүүдийн нэг бөгөөд рок попын ертөнцөд 10 гаруй жил дуулж буй.
Тус хамтлаг бусад охидын хамтлагийг бодвол илүү хөдөлмөрлөж, хэв маягаа алдахгүй яваа хэмээгддэг, царай зүсээрээ ч тэр хоорондоо тун төстэй.
