“MAAZ” хамтлагийн дуучин, жүжигчин “ID film” студийн үүсгэн байгуулагч, найруулагч Ганзоригийн Жанчивыг танихгүй хүн ховор.
Тэрбээр оюутан ахуй цагаасаа хэд хэдэн дэлгэцийн уран бүтээлд дүр бүтээж, үзэгчдийн хайртай жүжигчдийн нэг болоод амжсан тэрээр найзуудтайгаа нийлэн хамтлаг байгуулж, “Би дурламаар байна”, “Хайр эмзэгхэн”, “Бүтэлгүйтээд” зэрэг шинэлэг өнгө аястай дуу, кино шиг өрнүүн үйл явдалтай клипээрээ шуугиан тарьж байв. Түүний сэргэлэн, хөдөлмөрч зан, уран бүтээлч сэтгэлгээ Монголын кино урлагт цоо шинэ орон зай, өнгө төрхийг бүтээж явна. Дуулна, жүжиглэнэ, кино зохиол бичиж, түүнийгээ найруулна гэх мэт олон төрлийн авьяас, чадвартай гэдгээ харуулж яваа тэрээр найз бүсгүйтэй болжээ.
Тэрээр нэгэн хэвлэлд ярилцлага өгөхдөө “Амьдралд нэг их яарсан юм алга. Цаг нь ирэхээр болно байх.
Нийгмийн соёл өөрчлөгдөж байна. Залуус аялж, газар үзэж, сурч боловсрон, өөрийгөө хөгжүүлснийхээ дараа гэр бүл зохиодог болжээ. Мэдээж эхлээд өөрийгөө олох нь чухал болов уу” хэмээж байв.
Ямартаа ч, тэр өөрийгөө олсон бололтой.
