Сарантуяа гэгч гил хар шөнийн гэгээн туяа мэт анирлангуй, чандаган цагаан өдрийн час улаан туяа мэт асарлангуй, сарны аялгуу нарны ааг амтагдсан зүүдэн хонгор нас мэт нэгэн ажээ.
Зоргоор туулах он жил үүд нь дуун тамгатай, зоригоор туучих омголон сэтгэл нь дуун домогтой, золгоод учрах зүрхэн эгшиглэн нь дуун хатагтай тэрбээр Зууны манлай.
Өнгөт орчлонд алдаж онож явахдаа хоёр удаагийн амьдрал зохиосон. Анхны амьдралаа “Инээмсэглэл”-ийн Ганхуягтай эхлүүлсэн ч тэрээр хүүхэдтэй болоогүй. Харин хоёр дахь амьдралаа “Боди” группын Л.Болдхэттэй эхлүүлж, хүүтэй болсон. Түүний хүү Б.Эрхэмбилэг төрсөн цагаасаа л олны анхааралд байж ирсэн.
Харин бага охин Хулангийнх нь аав Хөвсгөлийн бизнесмэн П.Отгон-Очир гэдэг эр. МУГЖ Б.Сарантуяагийн дунд охин нь цэл залуугаараа бурхан болсон ганц эрэгтэй дүү Б.Төмөрийнх нь охин.
Дуучин Сараа төрсөн дүүгээ өөд болсных нь дараа ганц охиныг нь өөр дээрээ авсан билээ.
