Хайртай эхнэртээ бүхэл бүтэн нам бэлэглэдэг эрхэм бол Л.Гүндалай. Хэзээнээс Хөвсгөл нутгаараа бахархаж ирсэн тэрээр өдгөө гэр бүлийн найзуудтайгаа Хөвсгөл далайн эрэг дээр амарч байгаа аж.
Тэндэхийн хэд хэдэн газар хувийн амралтаа байгуулсан тэрээр тансаг ширээ засалт бүхий гэрэл зургаа нийтэлж зусландаа гарсан тухайгаа хувийн цахим хуудаснаа онцолжээ.
Л.Гүндалайн хувьд Хөвсгөл аймгаас Улсын Их Хуралд нэр дэвшин, 3 удаа дараалан сонгогдож байсан. 2006 оны 1 сараас 2007 оны 1 сар хүртэл Засгийн Газрын гишүүн, Эрүүл Мэндийн Яамны сайдаар ажиллаж байв.
1982 онд дунд сургуулиа дүүргээд Зүүн Германы Халле хотын Мартин Лютерын их сургуульд 1984-1991 онд суралцаж, эмчийн мэргэжил эзэмшжээ. Сургуулиа төгсөөд бизнест хөл тавьж, ГМЕТ, Батсарай компаниудыг байгуулан ажиллаж байгаад 2000 оны УИХ-ын сонгуульд Хөвсгөл аймгийн 45-р тойрогт бие даан нэр дэвшиж ялалт байгуулжээ. Гүндалай УИХ-ын гишүүн болсныхоо дараа Ардчилсан Намд элсэж, тухайн үед түүнийг оролцуулаад хоёрхон суудалтай болоод байсан Ардчилсан Намын дуу хоолойг УИХ-ын танхимд хүргэж байлаа. Тэр бүрэн эрхийнхээ эхний хугацаанд тухайн үеийн Хууль Зүй, Дотоод Хэргийн сайд Цэндийн Нямдоржийг гадаадын тагнуул гэх нууц бичиг баримтыг олсон хэмээн мэдэгдэж, Нямдоржтой зөрчилдөж байв.
Түүний талаар Нямдорж шүүхэд гомдол гаргаж, 2003 оны 4 сард Сөүл уруу нисэх гэж байхад нь цагдаа нар Гүндалайг баривчилсан дуулиан дэгдэж байсан.
