“Бүтэн амьдрал” киноны “Золбоо” хэмээх эелдэг, романтик залуугийн дүрээр үзэгчдийн хайрыг татах болсон Азийн топ модель, загвар өмсөгч Отгонбаатарын Билгүүнийг танихгүй хүн ховор.
Үргэлж камерын дурангийн өмнө гялалзаж, сэтгүүлийн нүүрнээ заларч явдаг, тэрбээр Яг түүн шиг 3” шоунд оролцож чадварлаг дуучин гэдгээ батлахын зэрэгцээ “Гэрэлт гудамж” тэргүүтэй олон төсөл бизнесүүдийг амжилттай эхлүүлж удирдаж байсан.
Тэгвэл тэрээр түргэн хоолны бизнесийг эхлүүлж, хүргэлтээ өөрөө хийж эхэлсэн байна шүү. Захиалгаа өглөөний 6 цагаас эхлүүлэн авах бөгөөд үүнийгээ “Эртэч монгол хүн танаа” хэмээн онцолжээ.
Түүний хувьд өдгөө 30 настай ч 40 орчим бизнесийг эхлүүлж байсан.
Анх 13 настайгаасаа хичээлийнхээ хажуугаар ажил хийж эхэлсэн нь түүний өнөөдрийн амжилтыг бий болгосон аж. Түүнд манаач, цэвэрлэгч, зөөгч, бармен, барилгын туслах ажилтан гээд хийгээгүй ажил тун ховор гэнэ лээ.
