Өнгөрсөн жилийн хавар ямааг зовоон тарчлааж авсан ноолууран хувцас дахин өмсөхгүй гэж үзэл бодлоо илэрхийлээд нутаг нэгтнүүддээ ад үзэгдэж, баалуулсан дуучин К.Номинжин багаасаа олны танил болсон.
Өдгөө АНУ-д ажиллаж амьдарч буй тэрээр 2015 оноос хойш эх орондоо ирээгүй аж. Тэрээр ер нь төрсөн нутагтаа амьдрах бодолгүй бөгөөд ажлын шаардлагаар л тухайн үед ирж байжээ.
Түүний хувьд есөн сартайгаасаа дэлхийгээр аялж эхэлсэн бөгөөд багадаа Оросод гурван жил, Энэтхэгт таван жил мөн Карибийн тэнгист нэг жил амьдарч байсан аж. Монголдоо 13 настайдаа урлагт хөл тавих гэж буцаж ирсэн гэдэг. Харин 17 настайгаасаа Америкт бүрэн суурьшсан бөгөөд 15 хэлээр ярьдаг.
Энэ тухайгаа “Олон оронд амьдарч байхдаа тухайн газрын хэл, соёлыг өөрийн эрхгүй сурсан л даа. Энэтхэгийн 30 сая гаруй хүн ярьдаг малаялам хэлээр багадаа “ус цас” гэдэг шиг л ярьдаг байлаа. Таван настайгаасаа бүх хичээлээ англи хэл дээр үзэж байсан. Багадаа Орос улсад амьдарч байхдаа орос, монгол хэлээр зэрэг хэлд орсон гэдэг. Одоо хамгийн их хэрэглэж байгаа хэл маань англи, монгол хэл учраас бусад хэлээрээ ярих туршлага багасч, мартагнасан байна лээ” гэжээ.
