Жүжигчин Одончимэг, Онон, Аглуу нартай нэгэн үед гарч ирж байсан МУГЖ Алтанцэцэг сүүлийн жилүүдэд урлагаас хөндийрч, хувийн бизнесээ эрхэмлэх болсон.
Харин тэрээр өнгөрсөн жил “Нийслэл хүүхэн” цувралд тоглосноор урлагт эргэн ирсэн. Тэгвэл тэрээр өөрийн сайн найз гэгддэг жүжигчин Саранцэцэгтэйгээ хамт уран бүтээлд тоглож байгаа аж. Тэдэнтэй цуг жүжигчин Нарансолонго, Отгонтуяа нар ажиллаж байгаа бөгөөд “аниа” нараасаа их зүйл сурч байгаагаа илэрхийлжээ.
Жүжигчин Алтанцэцэгийн хувьд бага залуу наснаасаа драмын театрын чадварлаг уран бүтээлч гэгддэг байсан ч хошин урлагт илүү хүч үзсэн, олны хайртай уран бүтээлч.
Харин СТА жүжигчин М.Саранцэцэгийг “Хэцүү анги “киноны Сүнжид багшийн дүрээр манай үзэгчид андахгүй. Тэрээр “Булингар”, “Хүйн холбоо”, “Помогите нам”зэрэг кинонд чадварлаг тоглож үзэгчдийнхээ талархлыг хүлээсэн билээ.
Түүний нөхөр хөгжмийн зохиолч УГЗ Т.Найданжав гэж олон зохиолын дуунд аялгуу хийж үзэгчдэд хүргэсэн авьяастан. Жүжигчний ах Баярсайхан гэж “Цэрэг эрсийн жирийн өдрүүд”, “Ирэх хаврын цэцэг”, Гарын таван хуруу зэрэг дэлгэцийн уран бүтээлд тоглосон мундаг жүжигчин байсан. Тиймээс тэрээр “Би ахынхаа хийж дуусгаагүй ажлыг гүйцээх гэсэн дээ урлагт орсон”гэж нэгэнтээ ярьж байсан.
Жүжигчин маань Аяа буюу Ш.Алтанцэцэг нар багийн найзууд бөгөөд Эрдэнэтэд аравдугаар ангиа төгсөөд дараа нь Багшийн дээд сургуульд хамт сурч байсан гэдэг. Хоёул хотын охид тэд эдүгээ 40 жил үерхэж байгаа.
