Чингэлтэй дүүргийн 7-р хорооны иргэн Н ажил дээрээсээ короновирусын халдвартай нь батлагдаж, улмаар өнгөрсөн ням гаригт 119 дугаараас зөвлөгөө үйлчилгээ авчээ.
Тус өвчтнийг ажлын өдөр буюу даваа гаригт /2021-08-01/-нд өрхийн эмнэлэгтээ өөрийн биеэр очиж, үзүүлэхийг зөвлөсөн байна.
Улмаар өвчтөн өглөөний 09 цагийн орчимд хорооны эмнэлэгт очиход, нэг давхарт нь хүн байхгүй, хоёр давхарт нь сувилагч нь халдвар хамгааллын дэглэм баримтлаагүй сууж байсан бөгөөд “5 дугаарын өрөө рүү ор” хэмээн хэлжээ.
Өвчтнийг ороход Ариунжаргал гэгч эмч үйлчилгээ үзүүлэхээс татгалзаж, хэл амаар доромжло н, өрхийн эмнэлэгт орж ирж болохгүй гэдгийг сануулжээ. Мөн усан борооноор хөөж гарган цагдаа сэргийлэх дууджээ. Өвчтний ээж болсон явдлыг сонсоод тусдаа амьдардаг халдвар авсан охин дээрээ очиход өндөр халуурсан байдалтай бороонд загнуулаад зогсож байсан байна. Түүнчлэн, өвчтний араас мэссэжээр “худалч” хэмээн доромжи л ж, гомдолтой бол хүрэх газраа хүртэл яваарай хэмээн зандарсан байна.
Уг асуудлыг тус эмнэлгийн даргад утсаар мэдэгдэхэд “Өөрсдөө учраа ол” хэмээн иргэний амий г тагласан байна.
Ковидын халдвар авсан иргэн Н-ийн ээж Н.Мөнхтуулын мэдээллээр “Охины маань өвчний мэдээлэл өнөөдрийг хүртэл дүүргийн тандалт судалдааны албанд очоогүй байна. Хорооноос бидэнд мэдэгдэхдээ мэдээллийг явуулсан гэж байсан. Гэвч өнөө өглөө регистрын дугаараар тандалт судалгааны албанд хандахад, таны охины мэдээлэл бидэнд ирээгүй гэлээ” гэв.
Хоёр талын байр суурийг хүргэх үүднээс тус хорооны эмнэлгийн даргатай холбогдоход “Манайд ийм асуудал гараагүй.
Ариунжаргал гэдэг эмч байдаггүй” гэж хэлээд халгаасангүй.
Энэ асуудлаар Нийслэлийн эрүүл мэндийн газраас тодруулахад “Иргэн юун түрүүнд PCR шинжилгээгээ баталгаажуулж, gerege eruul.mn сайтад ЭЕРЭГ хэмээн бүртгэгдсэн байх ёстой. Хэрэв тийм атал өвчтөнд эмчилгээ зөвлөгөө үйлчилгээ үзүүлэхээс татгалзаж, улмаар дүүргийн тандалт судалгааны албанд мэдээг нь ирүүлээгүй бол иргэн та Нийслэлийн эрүүл мэндийн газарт гомдол гаргах эрхтэй. Одоогоор манайд ковидын халдвартай өвчтөнд үйлчилгээ үзүүлэхээс татгалзсан гэх гомдол ирээгүй. Иргэн та албан бичгээр өргөдөл, гомдлоо авчирч өгч болно. Гомдлыг 30 хоногийн дотор шийдвэрлэнэ” гэлээ.
