2000 оны эхээр монгол бадарчин нэрээр олонд танигдаж, бадарчилж гадаадын олон орноор аялсан DJ Амай буюу Ж.Золбаяр хип хопчдын араанд зуугдсан бололтой.
Тэрээр саяхан хөтлөгч Мандуулын подкастад оролцох үеэрээ “Амьдрал маш богино, тиймээс аль болох олон зүйлийг хийж амжуул” уриагаа хэлж аялалын талаар болон хөгжмийн талаар сонирхолтой яриа өрнүүлжээ. Энэ үеэрээ “Би дүү нартаа хип хоп сонсоод хэрэггүй. Тархи бол хогийн сав биш гэж заадаг. Өөрийн алдааг дүү нартаа хэлдэг. Хип хоп монголд хөгжихдөө анх эрх чөлөөний тухай өгүүлдэг байсан гэвч сүүлдээ секс, өнгө мөнгө л дуулдаг болсон. Хип хопыг сонсоод бие сэтгэл гоё сайхан болж тайтгарна гэж байхгүй. Хэмнэл нь сайхан боловч хэлж ярьж байгаа үг нь нэг л биш. Хэл мэлийг нь ойлгохгүй байхдаа дэмждэг байсан, гэвч хоорондоо сүүлдээ зодолдоод эхэлсэн. Хип хопын цаад мөн чанар нь хараал, үзэн ядалт байдаг. Хүмүүжилгүй боловсролгүй, гудамжинд дээрэм тонуул хийсэн хүмүүс хип хопын од болсон. Хип хопыг монголд дэлгэрүүлж болохгүй. Хип хоп урлагийг зогсоохын тулд элекртог дэлгэрүүлсэн” гэжээ.
Түүний ярилцлагийг сонссон хип хопчид Амай руу залгаж, айлган сүрлдүүлж эхэлсэн бололтой.
