Монголын кино урлагт өөрийн өнгөөрөө тодорч яваа “Фантастик” продакшны залуус ээлжит уран бүтээлдээ оролцож яваа.
Тэгвэл тус продакшны жүжигчин Б.Барслхагва өөрийн цахим хуудаснаа “хэлний загтнаа”-гаа гаргав. Учир нь тэрээр дунд сургуулиа төгсөөд СУИС-д шалгалт өгсөн боловч тэнцээгүй, КУДС-ийн жүжигчний ангид хэсэг хугацаанд суралцаж, дараа жил нь дахин СУИС-д конкурс өгснөөр өдгөө олны танил жүжигчин болох эхлэлээ тавьсан гэдэг. Тэгвэл тэрээр өөрийн цахим хуудаснаа туршлагаараа түрий барьж, бусдын авъяасыг үгүйсгэх хэрэггүй хэмээн онцлоод “СУИС-н зарим багш нар нэг их дураараа чи авьяасгүй гэж хүүхдүүдийг их доромжилдо г байж билээ. Гэтэл авьяасгүй гээд хөөгдөж байсан хүүхдүүдийг одоо амжилтанд хүрсэн хойно нь миний шавь гээд яриад явж байдаг хүмүүс бий. Үүнтэй агаар нэг юм ах бичиж ээ. Хүний авьяас, мэдрэмжийг ХЭН Ч ЗААХГҮЙ ЭЭ. Хэн ч шүүхгүй ээ. Ялангуяа найруулагчид өөрсдийн ертөнцөөрөө кино бүтээдэг учир хүний дотоод ертөнцийн мэдрэмжийг хэн ч сайн эсвэл муу гэсэн явцуу ангилалд оруулж болдоггүй юм. Нохой болхоос нь өмнө гөлгийг хазаж хэмлэдэг.
Ноён болхоос нь өмнө хөвүүнийг басаж доромжилдог гэдэг дээ. Цаг хугацаа өөрөө хичээсэн хүнд туршлага гэдэг зүйл өгдөг нь жам юм. Туршлагаа бусдад хуваалцах учиртай болхоос туршлагаараа түрий барьж бусдыг үгүйсгэх нь учир дутагдалтай юм.
Энэ постон доорхи сэтгэгдлүүд бүр игзаар хөдөлгөөд байх юм” гэжээ.
