Олон нийтийн цахим орчинд идэвхтэй байдаг нэгэн бол Нара буюу М.Нарантуяа.
Эмэгтэйчүүдийн дуу хоолой болон явж буй хүчирхэг ганц бие ээж.
Тэрээр цахим хуудаснаа 4 өрөө байраа алдсан талаар ийнхүү бичжээ.
“Хүннү 22, эсвэл Энканто хотхонд ер нь Орчлон сургуулийн ойр 2-3 өрөө байр гайгүй үнээр түрээслэх хүн байвал Нарадаа түрээсэлчээрэй. Залилан эмсээс болж дөрвөн өрөө байраа алдаад түрээсийн байр хэсч яваа хүн байна аа. Яалын үнэнээрээ сайхан” хэмээжээ.
Би одоо ийм асуудалтай сүүлийн дөрвөн жилд 200 гаруй сая ₮-н өрнөөсөө төлсөөр одоо овоо дунд нь орж байна. Ингээд ярьвал их юм бий. Ийм их асуудлыг ил хашгичилгүй шүд зуун ганцаараа давах гэж их л хичээлээ. Одоо ч залиланчдыг зүгээр л илчлээд суудаг газарт нь суулгамаар болж байна!
За бас адилхан эм амьтан юмдаа үр хүүхэд нь хөөрхий юмдаа гэсээр өөрөө энэ их стрессний ард ганцаараа дэлбэртлээ таргалж ааш араншин өөрчлөгдөж байгаа минь нөхөргүйнх юмуу их идсэнийх биш хэтэрхий их санхүүгийн ачаалал өглөг авлага дунд шүд зуун байсных биз!!! Одоо больё оо” гэв.
Мөн “Хүү бид 2 ч хөөрхөн л амьдраад бгаа даа.Хүмүүс намайг хэрүүлч уруулч заргач хэл амтай есөн шидээр хэлж ярьж л байдаг. Гэвч үнэндээ тэгж яригсдийн хэн нь ч над шиг сэтгэлийн хаттай байж, 200н саяын өрийг чин шударга хөдөлмөрөөрөө дундруулж юу ч болоогүй юм шиг инээж 5н жил чимээгүйхэн таргалаад сууж чадахгүй нь үнэн.
Ийм их хэмжээний өр зээлд унасан эм бүү хэл эр нь ч над шиг инээгээд даваад гарнаа гэж ханцуй шамлан юм юм хийж алдаж онодог нь ховор болсон цаг.
Би бол гал дундуур яваа эмэгтэй, би өөрийгөө тэгж тодорхойлмоор байдаг.
Учир нь итгэж найдсан мөрөөдсөн зорьсон зүтгэсэн бүхэн унасан ч өвдгөө гөвөөд дахин босч өөрийгөө хичээхээс гадна бусдыг ч бас хичээж хажуу хавиргадаа тусламжын гараа сунгагчид ховордсон цагт би аль чадахаараа өөртөө ч өрөөл бусдад ч туслан амьдарч байгаа өөрөөрөө бахархдаг.
Гэхдээ үүнээс цааш би хэтэрхий гэнэн цайлган байж бусдыг өөр шигээ бодож найз гэж наалдсан бүхэнд юу бгаагаа зориулахгүй байхаар шийдсэн. Ингэж л хүнийг хүмүүс л эвддэг.
1 хүнд биш нийгэмдээ тустай үйлсэд л өөрийгөө зориулна.
Түүнчлэн их олон зүйлд ( таргалалт, өр, бизнесийн дампуурал, зарим нэг хуурамч нөхөрлөл гэх мэт) ялагдаж бгаа юм шиг харагдаж байгаа ч үнэндээ бол би амьдралыг ялж байгаа эмэгтэй!!!
Өөр шигээ гал дундуур туучин байгаа олон мянган бүсгүйчүүддээ өөдрөг бүхнийг хүсье. Гялалзаад өг” гэв.
