Улсын драмын эрдмийн театрын залуу, авьяаслаг жүжигчдийн тоонд зүй ёсоор тооцогддог Д.Ганцэцэг СУИС –ийг жүжигчин, уртын дуулаач гэсэн хос мэргэжлээр төгссөн гэдэг.
Үе тэнгийнхэн дундаа мэргэжлийн ур чадвараараа ялгарч чаддаг Ганаа “Өдөр өдрийн наран” олон ангит уран сайхны кинонд тоглож, ард түмэнд танигдсан. Харин тэрээр энэ удаад мэргэжлээ сольж, “Монгол Хит” нэвтрүүлгийн хөтлөгчөөр ажиллаж байв.
Гоо үзэсгэлэнгээрээ ялгардаг түүнийг урлагийнхан “хөөрхөн Ганаа” гэдгээр нь анддаггүй. Тэрээр өнгөрсөн жил БНХАУ-ын “Хятадын театрын урлагийн их сургууль”-д мастер хамгаалсан.
