Сүүлийн үед олны анхаарлыг татаад байгаа “Vandebo” хамтлаг тун ч богино хугацаанд амжилтад хүрч буй хамтлагуудын нэг яахын аргагүй мөн.
Тэдний гаргасан дуу бүр залуусын дунд хит болж сүүлийн үед ихэд эрэлттэй байх болжээ. Тус хамтлагийг “Опозит” хамтлагийн гишүүн Г.Энэрэл гаргаж ирсэн гэлцдэг. Г.Энэрэл “Vandebo” хамтлагийн залуус маш тууштай, аливаа зүйлийг хурдан сурдаг. Энэ нь тэдний бусдаас ялгарах онцлог, амжилттай яваагийн шалтгаан хэмээн ярьж байсан удаатай.
“Vandebo” хамтлагийн “Мангар том зүрх” тавхан минутад бүтсэн, дөрвөн сая хандалттай гэсэн рекордтой.
Тус хамтлагийнхан оюутан, сурагчдын дэвтэрийн нүүр чимэхээр “Улаанбаатар принт” компанитай гэрээ хийжээ.
Хамтлагийн гишүүн Ш.Энхжамц ШУТИС- ийн Мэдээлэл, холбооны технологийн сургуулийн системийн аюулгүй байдлын ангийг дүүргэсэн.
Нөгөө гишүүн Б.Эрдэнэболд ШУТИС-ийн Механик,тээврийн сургуульд механикийн инженер мэргэжлээр суралцаж төгссөн.
“Vandebo” гэсэн нэрийг хамтлагаараа ярьж байгаад өгчээ. Ш.Энхжамц өвөө Ванган, эмээ Дэжидийнхээ нэрний эхний үеүдийг авснаар “Ванде” гэсэн үг бүтжээ. Харин Б.Эрдэнэболд нэрийнхээ жинхэнэ нэрний товчлолоор “Эбо” гэсэн үе бүтээсэн байна. “Вандебо” гэсэн нэр ийм учиртай аж. Хамтлагийн гишүүн Ванде реппер NMN-ийн найз залуу гэдгийг олон нийт андахгүй сайн мэднэ.
