Улсын Драмын Эрдмийн театрын 90 жилийн ойн хүрээнд бүтээж буй Б.Цогнэмэхийн “Хаадын хаан”түүхэн жүжгийн дүр зарлах үйл ажиллагаа өнгөрсөн баасан гаригт УДЭТ-ын тайзнаа болсон.
“Хаадын хаан” жүжгийн ерөнхий найруулагчаар Төрийн соёрхолт, УДЭТ-ын ерөнхий найруулагч Н.Наранбаатар, зохиолчоор МЗЭ-ийн шагналт зохиолч Б.Цогнэмэх, ерөнхий зураачаар Соёлын тэргүүний ажилтан, УДЭТ-ын ерөнхий зураач Т.Ганхуяг, хөгжмийн зохиолчоор УГЗ Т.Сэр-Од , хувцасны зураачаар Соёлын тэргүүний ажилтан Сити их сургуулийн багш Д.Отгонзаяа болон УДЭТ-ын нийт уран бүтээлчид тайзны бүтээл болгохоор ажиллаж буй юм. Тэгвэл тус жүжгийн гол дүр буюу Чингис хааны дүрд СТА Г.Амгаланбаатар тоглохоор болсон байна.Харин Жамух гүр хаанд СТА М.Түвшинхүү/ дублёр дүрд О. Майдарравжаа, Бөртэ хатанд – залуу жүжигчин Г.Номин-Эрдэнэ/ дублёр дүрд залуу жүжигчин Д.Хулан, Өэлүн эхэд -МУГЖ Ж.Оюундарь/ дублёр дүрд Б.Золзаяа нар тоглох нээ.
