Удам дамжсан авьяастай мисс Ц.Аззаяа

Удам дамжсан авьяасаа ургуулж арчилж яваа алаг нүдэн, авьяаслаг бүсгүйг Ц.Аззаяа гэдэг. Түүнийг сайн ажвал манай олны танил, тэр дундаа нийтийн дууны нэртэй нэгэн дуучинтай тун төстэй харагдаж буй биз?

Тиймээ, таны таамаглал байгаа онолоо. Нүдээрээ инээсэн энэ бүсгүй бол МУГЖ, дуучин Д.Ширмэнтуяагийн охин.
Тэрээр ээжийнхээ том алаг нүд, гоо зүс царайг нь өвч дуурайжээ.

Ц.Аззаяагийн эмээ нь мөн манай хошин урлагийн нэрт зүтгэлтэн, МУГЖ Л.Чаминчулуун юм.

Урлагийн гэр бүлд өс ч торнисон Ц.Аззаяа Ази болон Евразийн 25 орны гоо бүсгүйчүүд өөрсдийн эх орноо төлөөлөн оролцсон “Miss Asia 2018” тэмцээнд оролцож ялагчийн титмийн эзэн болж байв.

Андра агентлагийн загвар өмсөгч, Улсын Драмын Эрдмийн Театрын жүжигчин тэрээр тус тэмцээнд тун амжилттай оролцож “Miss Personality”, “Miss Fitness”-ээр мөн шалгарчээ.